Naging blessing in disguise para sa isang truck driver ang maling pagtawag ng Kapuso host na si Willie Revillame sa kanya.
Nitong December 7, sa afternoon variety show nito sa Kapuso network na “Tutok To Win”, ay maling numero ang natawagan ni Willie.
Sa halip kasi na isang manonood na nagngangalang Ronila Silvano ang tatawagan dapat niya ay isang truck driver mula Marinduque na nagpakilalang Juanito Panti Jr. ang sumagot sa kabilang linya.
Ani Willie kay Juanito, “Magandang hapon po. Nandiyan ba si Ronila Silvano?…Bakit iba? Sino ‘to? Sa Tutok to Win ‘to.”
Sinabi naman ni Juanito kay Willie na hindi siya ang taong dapat nitong tawagan. Ani Juanito, “Hindi po ako ‘yan. Baka wrong number po ‘yung natawagan niyo po.”
Chineck naman ni Willie ang numero na napindot niya sa kanyang cellphone at dito niya napag-alaman na nagkamali siya ng pindot at napagpalit niya ang dalawang numero kaya naman mali ang kanyang natawagan.
Ani Willie, “Naku! Nagkamali ako ng pindot. Nagkamali ako ng isang numero, sorry.”
Humingi naman ng pasensya si Willie kay Juanito.
“Pasensya ka na. Aksident3 lang,” ani Willie.
Magalang na sinabi naman ni Juanito na ayos lang sa kanya na natawagan siya ni Willie.
Masaya na rin si Juanito dahil nabigyan siya ng oportunidad na makausap ang Kapuso host.
Ani Juanito, “Sige po, Kuya Wil, okay lang po. Masaya na po ako at nakausap ko po kayo.”
In-interview naman ni Willie si Juanito. Kwento ni Juanito, mayroon siyang asawa at apat na anak at nagtatrabaho siya bilang isang truck driver.
Hindi na nagtagal ang kanilang pag-uusap dahil kulang na sila sa oras ngunit bago tapusin ang tawag ay binigyan ni Willie ng maagang pamasko ang nasabing truck driver dahil sa kabaitan nito. Binigyan ni Willie ng 20,000 pisong cash si Juanito at isang tablet para sa mga anak nito.
Ani Willie, “Tingnan mo nga naman ang buhay. Ang labo kasi ng mata ko…”
Dagdag ng host, “Dahil mabait ka, bibigyan kita ng 20,000 cash…Meron kang 20,000 bigay ng Luxxe white [at] bibigyan kita ng tablet.”
The post Willie Revillame, binigyan ng 20,000 cash at tablet ang truck driver na nagmamay-ari ng maling numerong tinawagan niya appeared first on Trend Star.
Source: Trend Star
0 Comments