Kristine Hermosa, buntis sa ikalimang anak nila ni Oyo Boy Sotto

Bago magtapos ang taon, nakatanggap ng isang biyaya at magandang balita ang celebrity couple na sina Kristine Hermosa at Oyo Boy Sotto.

Credit: Oyo Sotto Instagram    

Masayang ibinalita nina Kristine at Oyo Boy na madadagdagan pa ng isang miyembro ang kanilang malaki nang pamilya.

Positibo kasing nagdadalang-tao ang 37 taong aktres sa ikaapat nilang biological child ni Oyo Boy.
Sa mga hindi nakakaalam, apat ngayon ang anak nina Kristine at Oyo Boy at isa rito ay ang kanilang adopted son na si Kiel.

Sina Ondrea, Kaleb at Marvin naman ay ang mga biological children nina Kristine at Oyo Boy.
Ibinahagi nila ang magandang balita sa kani-kanilang Instagram account.

Parehong ipinost nina Kristine at Oyo Boy ang larawan ng isang positive pregnancy test at first sonogram video ng kanilang ikalimang anak.

Credit: Kristine Hermosa-Sotto Instagram

Itinuturing naman ni Kristine na isang “answered prayer” at “best Christmas gift” ang pagbubuntis niya sa ikalimang anak nila ni Oyo Boy.

Abot langit din ang pasasalamat ni Kristine sa Diyos sa biyayang ipinagkaloob nito sa kanila.

Ani Kristine, “Another answered prayer Salamat God sa mga pahabol na sorpresa ngayong taon. Thank you Lord for sustaining us this entire year.. pati rin sa mga nakaraang taon at sa buong buhay namin at ng mga anak namin.”

Dagdag niya, “You are faithful God. kung wala ka, di namin alam kung saan kami pupulutin. All glory to you God. Salamat sa pagmamahal mo sa amin. I LOVE YOU SO MUCH JESUS I love you Oyo, Kiel,Dre,Kaleb,Vin & Baby in my belly Best Christmas and Anniversary gift from above ”

Credit: Kristine Hermosa-Sotto Instagram

Samantalang si Oyo Boy ay napahiyaw sa labis na tuwa dahil sa “sorpresa” na ibinigay sa kanila ng Diyos.

Ani Oyo Boy, “Nag POSITIVE!!! Positive na mapapahiyaw ka sa tuwa! Grabe ka Lord! Salamat Lord Jesus! Napaka faithful mo kahit kailan God is truly amazing. Ibang klase ang mga sorpresa mo… Best Christmas gift ever”

Credit: Kristine Hermosa-Sotto Instagram

Dasal naman nina Kristine at Oyo Boy na isang “healthy baby girl” ang kanilang ikalimang anak.
Ikinasal sina Kristine at Oyo Boy noong January 12, 2011.

Bago ito ay ikinasal muna si Kristine sa aktor at dati niyang ka-loveteam na si Diether Ocampo. Taong 2009 naman ng napawalang bisa ang kanilang kasal.

The post Kristine Hermosa, buntis sa ikalimang anak nila ni Oyo Boy Sotto appeared first on Trend Star.

Source: Trend Star