Iniluwal na ng actress na si Coleen Garcia ang anak nila ng mister na si Billy Crawford. Sa kanyang Instagram ay ibinahagi ni Coleen ang ilang larawan ng kaniyang panganganak sa pamamagitan ng water birth.
“Amari” ang napiling ipangalan nina Coleen at Billy sa kanilang first baby na isang lalaki.
Lubos ang pasasalamat ni Coleen dahil ligtas niyang nailuwal si Baby Amari.
“There’s so much I wanna say, but for now, I just want to praise God for being so good. Thank you, Lord, for our beautiful Amari,” ani Coleen sa caption ng kanyang IG post.
Natupad naman ang kagustuhan ni Coleen na makasama ang mister sa tabi niya habang nanganganak. Sa mga larawang ibinahagi nito makikita si Billy na hinahalikan sa ulo si Coleen sa kalagitnaan ng panganganak nito.
Hindi kagaya ng ilang celebrity na pinili munang hindi ipakita ang mukha ng anak sa social media ay ibinahagi na nina Coleen at Billy ang larawan ni Baby Amari.
Wala pang official statement ang bagong daddy na si Billy sa kanyang social media.
Samantala, May ngayong taon nang inanunsyo ng mag-asawa ang pagbubuntis ni Coleen sa kanilang unang anak. Kamakailan din ay nag-trending si Coleen dahil kanyang maternity cover shoot para sa isang local magazine.
Bumaha naman ng pagbati para sa mag-asawa mula sa mga kasamahan nila sa showbiz ang pagsilang ni Coleen kay Amari. Kabilang sa unang bumati sa mag-asawa ang mga dating kasamahan nila Coleen at Billy sa “It’s Showtime”.
Komento ni Vice Ganda, “Praise God!!! You are so blessed!!! Congratulations!!!!”
Ani Anne Curtis, “CONGRATULATIONS CRAWFORDS! We can’t wait to meet baby boy Amari!”
Saad naman ni Jhong Hilario, “Congratulations Coleen and Billy! God is great! Hello Amari!”
Nagpaabot din ng pagbati ang ilan pang kaibigan nina Coleen at Billy sa showbiz.
Ani Nathalie Hart, “Coleen, I’m so happy for you! motherhood is a miracle and you will make an awesome mother. God bless you always.”
Saad ni Angel Locsin, “Congratulations, @coleen & @billycrawford excited na akong malambutching si Amari!!”
Sabi naman ni celebrity Mom Rica Peralejo, “You did it!!! congratulations beautiful momma!!! Hi Amari!”
The post Coleen Garcia, ipinanganak na ang panganay nilang anak ni Billy Crawford na si Baby Amari appeared first on Trend Star.
Source: Trend Star
0 Comments