Sumabak na sa kaniyang military training ang Kapuso actress at beauty queen na si Winwyn Marquez bilang isang Philippine Navy reservist.
Matatandaang nitong Pebrero ngayong taon ay inanunsiyo ni Winwyn na sasabak siya sa Basic Citizen’s Military training.
Sa mga nagtatanong kung bakit siya nagdesisyon na sumali sa military training para maging Philippine Navy Reservist, simple ngunit malaman ang naging sagot ng aktres.
“People are asking me why I want to do to this…I simply said because I want to…that’s it. No need for long explanations. We don’t need to justify what we want to do, we can just show them what we women CAN do”.
Kasama sa mga officers ng Armed Forces of the Philippines na mainit na winelcome si 2017 Reina Hispanoamericana titleholder ay ang kapwa niya Kapuso actor na si Rocco Nacino na isang Navy Reservist officer.
Sa Instagram post ng beauty queen ay ibinahagi niya ang mga larawan ng kaniyang first day sa pagsabak sa training.
Mapapansin sa mga larawan na ipinost ng actress na puspusan ang training na kanilang ginagawa sa loob ng military.
Katulad ng mga training na ginagawa niya sa mga beauty pageant na sinasalihan, bakas sa mukha ni Winwyn ang dedikasyon na mapagtagumpayan ang kaniyang military training.
Samantala, sinabi rin ng beauty queen-actress sa IG post nito na bago sila sumabak sa training ay dumaan muna siya at ang kaniyang mga kapwa trainees sa strict protocol. Isa sa mga protocol na ipinatupad ng AFP ay ang required rapid testing.
Ayon pa kay Winwyn, “Congrats sa lahat! Class 01 lets do this…Strict protocol was followed and everyone was required to do a rapid test before anything else.”
Sa caption ng IG post ni Winwyn, masaya niyang ibinalita na siya ang napiling class president ng kanilang batch.
“BCMC CLASS 01 2020 – Class President, Marquez. Hooyah! #PhNavyReserveForce”
Marami namang nabigla at nainspire sa tapang ng actress-beauty queen. Ilan sa comments ng kaniyang mga follower at supporter ay,
“You suprise me all the time”
“Grabe Wyn! So brave! Congratulations!”
“So proud of you…Nakakainspire!!!”
Samantala, mapapanood naman ang bagong film ni Winwyn na Time and Again sa Netflix kung saan kasama niya ang aktor na si Enzo Pineda.
The post Beauty Queen na si Winwyn Marquez, ipinakitang higit sa beauty at brains ang meron siya nang sumali bilang Philippine Navy Reservist at sumailalim sa training appeared first on Trend Star.
Source: Trend Star
0 Comments