Ipinasilip ni Kapamilya actress Kathryn Bernardo ang kitchen area ng kanyang bahay na katatapos lamang umanong i-renovate.
Sa simula ng kanyang vlog, inamin ni Kath na hindi niya maibibigay ang house-tour video na hiling ng kanyang mga tagahanga dahil umano maituturing niyang personal at pribado itong bagay.
Ani Kath, “So a lot of you has been requesting for a house-tour video. But to be honest with you I’m really private when it comes to these things because I feel like that’s very personal.”
Huwag naman daw mag-alala ang kanyang mga tagahanga dahil napagpasyahan niya na ibahagi sa mga ito ang kanyang ‘well-organized’ at ‘newly-renovated kitchen’.
Sa kanyang ‘Everyday Kath’ YouTube channel, ay masayang ipinakita ni Kath ang katatapos lamang niyang ipaayos na kitchen.
Kasama ni Kath sa kanyang kitchen-tour ang professional organizer na si Issa Reyes na siyang founder ng “Neat Obsessions”.
Si Issa ang tumulong kay Kath para gawing maayos, organisado at mahusay ang ‘flow’ ng kanyang kitchen.
Sa vlog ay makikita na ‘all-white’ at modern ang desenyo na napili ni Kath para sa kanyang kitchen. Kapansin-pansin na maraming drawers at cabinets ang kitchen ni Kath kung saan nakalagay ang kanyang koleksyon ng placemat, plato, mga mangkok, mga kubyerto, mga kagamitan sa pagluluto at pagbe-bake.
Una munang ipinakita ni Kath ang koleksyon niya ng placemats. Kwento pa ni Kath, isa sa mga pinakagusto niya sa kanyang bagong kitchen ay ang maliliit na drawers na nakalaan para sa makukulay niyang placemats.
Saad ni Kath, “Actually, this one isa rin to sa pinakagusto ko. Kapag ako lang mag-aayos hindi ko maiisip, ‘Ok, pwede nga mag-install ng mga little drawers para sa iba’t ibang designs, iba-iba ‘yun pinu-pullout mo na drawers. That’s very smart.”
Mahilig si Kath na mangolekta ng mga plato kaya naman marami siyang pagmamay-aring makukulay na plato na nakalaan para sa iba’t ibang okasyon.
Iba’t ibang klase rin ang pagmamay-aring kubyertos ni Kath. Ibinida ni Kath ang kanyang silver at gold utensils.
Sa kitchen tour din ni Kath ay nabunyag ang hilig niya sa mga lalagyanan ng tubig o mga tumbler.
Ayon kay Issa, ipinamigay pa umano ni Kath ang ilan sa mga pagmamay-ari nitong tumbler para lamang mabawasan at magkasya ang mga ito sa drawer.
Ipinaliwanag naman ni Kath kung bakit siya nahilig sa pangongolekta ng mga tumbler. Paliwanag ni Kath, “I have an excuse kasi sa trabaho ko kailangan siyempre parati akong may dalang tumbler. Iniiba-iba ko para ma-happy ako. Kaya madami.”
Lahat naman ng baking tools at baking essentials ni Kath ay naka-organize sa isang malinis at magandang paraan.
Nitong simula ng l0ckdown ay nagkaroon ng oras ang aktres na mag-bake kaya naman gusto niyang organisado ang lahat ng ginagamit niyang ingredients at mga kagamitan.
The post Kathryn Bernardo, ipinasilip ang kanyang bagong renovate na kusina na may ‘all-white’ modern design appeared first on Trend Star.
Source: Trend Star
0 Comments