Ang pasko ay panahon ng pagbibigayan. Kaya naman sa halip na ipagdiwang ng bongga ni Ivana Alawi ang pagkakaroon niya ng 10 million subscriber sa YouTube ay pinili na lamang niyang ipagdiwang ito sa simpleng paraan.
Sa kanyang “10 Million Subs + Giveaway!” vlog, sinabi ni Ivana na ayaw niyang gumastos ng malaki para sa isang bonggang selebrasyon.
Aniya, gusto niyang ilaan ang kanyang pera sa pagbili ng mga grocery item na ibabahagi niya sa mga nangangailangan ngayong Pasko kaysa gastusin ito para sa isang engrandeng selebrasyon.
Ani Ivana, “Ayaw kong gumastos ng malaking-malaki kasi parang I’d rather ipamigay nalang ‘yun kaysa magkaroon kami ng engrandeng selebrasyon.Sabi ko gusto ko talaga simple lang.”
Dagdag ni Ivana, “Ayoko talaga gumastos ng malaki para sa celebration. Kung pwede naman natin itulong sa mga taong nangangailangan ngayon. Kahit nga birthday ayoko nga eh.”
Sa nasabing vlog, mapapanood naman si Ivana na sinurpresa ng kanyang mga kapatid na sina Mona at Hashim maging ng kanilang ina na si Fatima.
Bago mag-grocery si Ivana ng mga ipapamigay niya ay nagsama-sama muna silang magpamilya para sa isang masayang agahan.
Masayang-masaya naman si Ivana dahil inihanda ng kanyang pamilya ang mga paborito niyang pagkain katulad ng Sisig, Laing at Chicken Inasal.
Ayon naman kay Ivana, masaya na siya sa simpleng selebrasyon na inihanda ng kanyang pamilya para sa kanya.
Ani Ivana, “So yes thank you for the simple celebration. Mas natutuwa ako sa mga ganito. And then after, mamimili tayo ng grocery at ipamimigay natin sa mga taong nangangailangan.”
Isang basket na puno ng mga grocery item at isang kahon na may lamang iba’t ibang klase ng prutas ang ipinamahagi ni Ivana sa mga taong nakita niya sa kalsada.
Bukod pa rito ay binigyan din ni Ivana ang mga tumanggap ng groceries ng tig-sa-10 libong piso.
Bakas naman ang tuwa sa mukha ng mga binigyan ni Ivana ng maagang pamasko.
Labis din ang pasasalamat ng mga ito sa YouTube star dahil sa mga regalong ibinahagi nito sa kanila.
Sabi naman ni Ivana, nais niyang iparamdam sa mga tao ang pasko sa kanyang simpleng paraan.
Ani Ivana, “Kasi hindi palagi, ‘di ba? Kapag Christmas hindi lahat nakakaramdam ng pasko. So, it’s important [na] iparamdam pa rin natin in your own small way.”
Nakipag-partner din si Ivana sa isang sikat na jewelry line upang ihandog sa 10 estudyante na kanilang mapipili ang isang scholarship grant.
The post Ivana Alawi, namahagi ng 10,000 cash at 10 scholarship bilang pasasalamat sa pagkakaroon niya ng 10 million subscriber sa YouTube appeared first on Trend Star.
Source: Trend Star
0 Comments