Gumawa ng kasaysayan ang TV actor na si Arjo Atayde matapos niyang maiuwi ang Best Actor award sa katatapos lamang na 2020 Asian Academy Creative Awards (AACA) na ginanap sa Singapore.
Si Arjo ang kauna-unahang Filipino actor na nanalo bilang Best Actor sa nasabing prestihiyosong award-giving body.
Kinilala ng AACA ang natatanging pagganap ni Arjo sa iWant digital series na “Bagman”. Tinalo naman ni Arjo ang siyam na mahuhusay na aktor mula sa iba’t ibang panig ng Asya.
Inialay naman ni Arjo ang kanyang napanalunang award sa maraming tao na naniwala, tumulong at sumuporta mula sa umpisa ng kanyang career bilang isang aktor. Kabilang rito ang kanyang girlfriend na si TV host-actress Maine Mendoza.
Sa isang artikulo na inilathala ng PUSH, sinabi ni Arjo na idini-dedicate niya kay Maine ang natanggap niyang award.
Masaya umano siya at blessed dahil mayroong siyang girlfriend na sumusuporta sa kanya.
Ayon kay Arjo, isa sa kanyang mga inspirasyon si Maine.
“I’m very happy and blessed of course. She knows naman what I have to say. I just dedicate this to her. She’s an inspiration to me. She’s my core and I’m happy,” ani Arjo sa nasabing artikulo.
Ikwenento rin ni Arjo na sa kanilang sariling paraan ni Maine ay ipinagdiwang nila ang kanyang pagkapanalo.
Aniya, “Basta we celebrated on our own and of course I’m very happy. I’m very happy when she messaged me, with or without the post, she congratulated me na so it’s more than enough. I don’t need to be posted.”
Dagdag niya, “I just really appreciate it when she does know because we’re not really out there. But I’m very happy. I appreciate her in every single way.”
Matatandaang sinabi ni Maine sa isang Twitter post na “biggest fan” umano siya ni Arjo. Binati rin ni Maine si Arjo sa kanyang pagkapanalo at sinabing “well-deserved” umano nito ang Best Actor award.
March 3, 2019 nang kinumpirma ni Maine sa isang blog post ang relasyon nila ni Arjo.
Noong December 21, 2019 ay nag-post sa kani-kanilang Instagram account sina Maine at Arjo para ipagdiwang ang kanilang unang anibersaryo bilang magkasintahan.
The post Arjo Atayde, inialay ang kanyang Best Actor award sa nobyang si Maine Mendoza appeared first on Trend Star.
Source: Trend Star
0 Comments