Binigyan ni beauty queen-turned-interior designer Maggie Wilson ng Bali-inspired look ang kwarto ni YouTube star at social media influencer Mimiyuuuh.
Sa panibagong vlog episode ng kanyang YouTube channel na “Acasa Living by Maggie Wilson”, ibinahagi ni Maggie ang transformation process na ginawa niya sa kwarto ni Mimiyuuuh.
Ayon kay Maggie, kinontact umano kaagad niya ang common friend nila ni Mimiyuuuh na si Filipino designer Mark Bumgarner nang malaman niya na bumili ito ng bagong bahay.
Aniya, “I asked him if he could reach out to Mimi and connect us and ask if she would be open for me to design her bedroom for her. And I’m so happy that she agreed.”
Kwento ni Maggie, gusto umano ni Mimiyuuuh sa kanyang kwarto na magkaroon ng “a villa in Bali” feels.
Pagkukwento ni Maggie, “So Mimi said she wanted her bedroom to feel like a villa in Bali. So the moment she said those words, parang *ding* that’s right up my alley.”
Kaya naman para bigyan ng tropical vibe at resort-feel ang kwarto ni Mimiyuuuh ay gumamit ng pinaghalong cement at wood materials si Maggie sa pagdedesenyo sa kwarto ng YouTuber.
At sa halip na tunay na cement-finished wall, mas pinili ni Maggie na wallpaper na mayroong cement texture design ang ilagay sa bedroom wall ni Mimiyuuuh.
“We chose to use wallpaper instead because it’s super easy to apply, it’s affordable, and it takes less time to do it, as opposed to really doing a cement-finished wall,” ani Maggie.
“To make it a little extra” nilagyan naman ng door frame ni Maggie ang existing bathroom door ni Mimiyuuuh na mayroong full-length mirror.
Hiniling naman ni Mimiyuuuh kay Maggie na manatili pa rin ang kanyang iniingatan at iconic Lucky Star pink plastic cabinet dahil ayon sa YouTuber, parte na umano ito ng kanyang pagkatao at naging witness sa pag-usbong ng kanyang vlogging career.
Ani Mimiyuuuh, “Kaya ayoko po sanang mawala si Lucky Star dito sa aking new bedroom because it is part of who I am…Ever since po nag-start akong mag-vlog, eh, nandiyan na po talaga ang Lucky Star.”
Bago ipakita ang finished-look ng kwarto, ibinunyag ni Maggie na mayroon pa siyang isang munting surpresa para kay Mimiyuuuh.
Kwento ni Maggie, “I also did a little surprise. She didn’t know that I had some of her photos printed from photoshoots that she had done in the past.”
Mababakas nama sa mukha ni Mimiyuuuh ang saya nang makita na niya ang bagong desenyo ng kanyang kwarto.
Sambit ni Mimiyuuuh, “‘Oh my God, am I in Bali? No, I’m in my room.’ You know what I’m saying?”
Si Maggie Wilson-Consunji ay siyang founder ng Acasa Manila, isang design studio at furniture store.
The post Maggie Wilson, binigyan ng Bali-inspired look ang kwarto ni Mimiyuuuh appeared first on Trend Star.
Source: Trend Star
0 Comments